2017 йил 26 март куни Гонконг раҳбарлигига сайловларда бунгача Гонконг бош котиби лавозимини эгаллаб келган 59 ёшли Кэрри Лэм ғолиб бўлди, деб ёзади Forbes.
Лэм учун 1194 нафар сайловчининг 777 нафари овоз берди, натижада у аҳоли кўпроқ қўллаб-қувватлаган собиқ молия котиби Жон Цангдан ўзиб кетди.
Кэрри Лэм Гонконг маъмуриятининг турли поғоналарида ишлаб ўз карьерасини қурган. Энди энг баланд нуқтага чиқиб олгач, у бир вақтнинг ўзида унинг ғалабасидан унчалик мамнун бўлмаган аҳоли ишончини қозониши ва сўнгги ўн йилликда Осиёдаги яна бир молиявий марказ — Сингапур томонидан кучли рақобатга дуч келган Гонконгнинг рақобатбардошлилигини ҳам ошириши керак.
Лэм ўз вазифасига 1 июль — Гонконгнинг Буюк Британиядан Хитой назорати остига қайтганига 20 йил тўладиган кунда киришади. «У Гонконг жамоатчилиги билан бир кун ҳам ‘асал ойи’ ўтказмайди, — деди Гонконг Хитойга берилганидан сўнг унинг бош котиби лавозимида ишлаган Ансон Чан. — Ишонч даражаси ҳозиргидек бўлиб турган вақтда у тезкорлик билан вазиятни тўғриламаса ва жамоатчилик ишончини қозонмаса, Гонконгни бошқариш у учун қийин бўлади».
Изоҳ (0)