Жорий йилнинг 27 март куни Ўзбекистон Республикаси Қишлоқ ва сув хўжалиги вазирлигида Тошкет давлат аграр университети ҳамда Андижон қишлоқ хўжалик институти Россиянинг Жанубий Урал давлат аграр университети билан ҳамкорликни кенгайтириш бўйича битимларни имзолашга бағишланган тадбир бўлиб ўтди. Бу ҳақда Ахборот технологиялари маркази бошлиғи «Дарё»га маълум қилди.
Тадбирда Ўзбекистоннинг аграр соҳага ихтисослашган олийгоҳлари билан Жанубий Урал давлат аграр университети ўртасидаги ҳамкорликни янада кенгайтириш, ўзаро бакалавр ва магистрантлар алмашиш, зоотехника, ветеринария, агромуҳандислик каби соҳаларда илмий-педагог кадрларнинг малака оширишини такомиллаштириш, замонавий ўқув, ўқув-услубий илмий адабиётлар алмашинишни йўлга қўйиш каби соҳалардаги алоқаларни ривожлантиришнинг муҳим йўналишлари ва истиқболлари муҳокама этилди.
Меҳмонлар томонидан Ўзбекистонда амалга оширилаётган ўсимликларни биологик ҳимоялаш борасидаги тажрибани чуқур ўрганиш, Россия Федерациясида уни жорий қилиш масалаларига катта қизиқиш борлиги алоҳида таъкидланди.
Олийгоҳлар ўртасидаги шартномалар Тошкент Давлат аграр университети ректори Б.Сулаймонов, Андижон қишлоқ хўжалик институти ректори А.Абдувасиқов ҳамда Жанубий Урал давлат аграр университети ректори В.Литовченко томонидан имзоланди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)