«Халқ билан мулоқот ва инсон манфаатлари йили» Давлат дастури ижроси доирасида «Соғлом авлод учун» халқаро хайрия фонди ва «Ўзбекистон темир йўллари» акциядорлик жамияти ҳамкорлигида ташкил этилган хайрия акциясининг навбатдаги тадбири Қашқадарё вилояти Деҳқонобод туманида бўлиб ўтди. Бу ҳақда ЎзА хабар берди.
Тадбир давомида Деҳқонобод тумани маркази ва Оқработ қишлоғидаги 2 мингга яқин киши чуқурлаштирилган тиббий кўрикдан ўтказилди.
Шунингдек, ижтимоий кўмакка муҳтож аҳоли ва ногиронларга, тиббий-ижтимоий муассасаларга қарийб 1 миллиард 400 миллион сўмлик озиқ-овқат маҳсулотлари, ногиронлик аравачалари, кийим-кечак, дори-дармон, тиббиёт анжомлари, санитария-гигиена воситалари, ўқув қуролларидан иборат мурувват ёрдами кўрсатилди.
Соғлом турмуш тарзини қарор топтириш, касалликларнинг олдини олиш, оилаларда тиббий маданиятни юксалтириш юзасидан тушунтириш-тарғибот тадбирлари ўтказилди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)