Ташқи кўринишдаги камчиликка бирор касаллик сабаб бўлиши мумкинлиги ҳаммага маълум. Лекин кўпинча одамлар ўз қиёфасидаги салбий ўзгаришларни кўрса ҳам шифокорга боришга шошилмайдилар. Мақоламизда бу ўзгаришларни келтириб чиқарадиган ва кўринишимиз яхши бўлишига халал берадиган касалликлар тўғрисида айтмоқчимиз.
Гипотиреоз
Қалқонсимон безнинг гормонлар ишлаб чиқариши пасайиши билан боғлиқ бўлган, эндокрин тизимининг энг кенг тарқалган касалликларидан биридир. Бу касалликни аҳолининг 4—6 фоизида учратиш мумкин.Нохуш оқибатлари: Тери кўпинча қуруқлашади, пўст ташлайди, сарғиш тус олади ва доғ босади. Сочлар тўкилиши мумкин. Баъзилар семириб кетади. Гипотиреозда метаболизм тезлиги пасаяди, бу эса организмдаги моддалар балансининг бузилишига олиб келади.
Гипертиреоз
Бу касаллик – гипотиреознинг тескариси: Қалқонсимон без икки марта кўп ишлайди. Бу тиреотоксикозга олиб келади – организм гормонлардан заҳарланади.Нохуш оқибатлари: Модда алмашинуви тезлашади – сиз қабул қилгандан кўра кўпроқ энергия йўқотасиз – тана нормал фаолият кўрсатиши учун керак бўладиган моддаларни йўқотади. Тери қурийди, сочлар тўкилади, тирноқлар синади ва вазн камайиб кетади.
Камқонлик
Қондаги гемоглобиннинг камайиши билан боғлиқ касаллик бўлиб, ҳар хил турлари мавжуд.Нохуш оқибатлари: Спорт билан шуғулланиш вақтида ҳам йўқолмайдиган, ҳатто кучаядиган рангпарлик. Баъзиларнинг юзи эса сарғимтир тус олади.
Буйрак касалликлари
Ҳар хил бўлади – цистит, сийдик йўли касалликлари ва бошқалар.Нохуш оқибатлари: Кўз ости кўкариши ва осилиши – айниқса эрталаблари.
Касалликлардан қочишнинг аниқ белгиланган усуллари йўқ – лекин тўғри овқатланиш, спорт билан шуғулланиш ёки ҳеч бўлмаса бир ҳафтада 3 марта 30—40 дақиқадан пиёда сайр қилиш хавфни жиддий равишда камайтиради.
Манба: Women’s Health
Изоҳ (0)