Ҳеч ким касал бўлишни ёқтирмайди. Тумов ёки йўтал бўлганингизда жамоат жойлари тозалигини айблашдан олдин бу касаллик ўз уйингизда юқмаганлигига ишонч ҳосил қилинг. Биз мақоламизда бу микробларнинг қаерда бўлиши ва уларни қандай зарарсизлантириш тўғрисида айтмоқчимиз.
Чангюткични шошмасдан ишлатинг
Гиламдаги чангларни яхшироқ тозалаш учун чангюткични шошилмасдан ишлатинг. Унинг халтаси тўлгандан сўнг, ташқарига қоқиб ташланг. Халта бўшатилаётганда ундан оғир касалликлар қўзғатувчи ичак таёқчалари ва салмонеллаларнинг кўзга кўринмас катта тўдаси чиқади.Ваннадаги ҳаво тортувчи қурилмани ишлатинг
Душ қабул қилаётганда ваннахонадаги буғ ва намликнинг деворда моғор ҳосил қилишига йўл қўймайдиган ҳаво тортувчи қурилмани ишлатишни унутманг. Моғор бурун битиши, нафас олишнинг қийинлашиши ва кўз қичишишини келтириб чиқариши мумкин.Заҳарли тозаловчи воситалардан эҳтиёт бўлинг
Кўпчилик тозаловчи воситалар ва уй ҳавосини тозаловчилар таркиби заҳарли моддалардан ташкил топган. Масалан, бу воситалар таркибида кўп учрайдиган фталатлар терига салбий таъсир кўрсатиш хусусиятига эга. Кимёвий ювиш воситаларининг ўрнини босадиган табиий воситаларни излаб топинг.Ошхонадаги кранни тозаланг
Ошхонадаги сув крани ичидаги металл панжара — намликни яхши кўрувчи бактериялар учун ҳақиқий дам олиш жойи. Уларнинг идиш-товоқларга ва озиқ-овқатларга ўтиб олиши қийин эмас. Бунинг олдини олиш учун ҳеч бўлмаса ҳафтада бир марта бу панжарани оқартирувчи восита эритмасига ивитиб қўйинг.Манба: WorldHealth
Изоҳ (0)