Бу йил 82 ёшни қаршилаган Ливан президенти Мишель Аун, Араб давлатлари лигаси (АДЛ) саммитида раҳбарларнинг биргаликда суратга тушиш маросими олдидан йиқилиб тушди, дея хабар беради «РИА Новости».
Саммитнинг тўғридан-тўғри трансляциясида мамлакат раҳбарларининг эсдалик учун суратга тушишга тайёргарлигини кўриш мумкин. Қўққисдан Ливан президенти юзи билан ерга йиқилиб тушди. Шундан сўнг трансляция режиссёри тасвирни тезда ўзгартирди, бироқ бир дақиқадан кейин трансляция яна давом этди. Унда Аун жилмайиб турган ҳамкасблари билан бир қаторда турарди.
Бир неча соатдан сўнг АДЛ саммити олдидан сиёсатчи Ливан номидан сўзга чиқди. Воқеа гувоҳларининг «Ал-Арабия»га айтишича, Аун гиламга қоқилиб кетган.
Йигирма саккизинчи араб саммити Иорданиядаги Ўлик денгизида, ташкилотга аъзо 18 давлат раҳбарлари иштирокида бўлиб ўтмоқда. Аввалига учрашув Яманда бўлиб ўтиши керак эди. Бироқ ушбу давлат раҳбарлари мамлакатдаги мураккаб ички вазият сабабли маросимни ўтказишдан бош тортди.
Араб давлатлар лигаси 21 мамлакатни ҳамда Фаластин озодлик ташкилотини бирлаштиради, унинг штаб-квартираси Қоҳирада жойлашган. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)