Россия телеканалларидан бирида намойиш этилаётган янги «Сирли миллионер» телешоуси эфирида тадбиркор Максим Фалдин Калининграддаги итлар учун бошпанага ярим миллион рубль хайрия қилди, деб ёзади «Вести.ru». Яна ярим миллион рублни миллионер зоомеҳмонхона қуришга сарфлашга ваъда берди.
Янги телешоу қаҳрамони нотаниш шаҳарда уйсиз одам сифатида беш кун яшаб, ўзи энг эҳтиёжманд деб топган кишиларга ёрдам бериши керак эди. Максим Фалдинни Калининградга юборишди, у ерда миллионер болалар учун реабилитация марказида кўнгилли бўлиб ишлади, ёш ногиронлар уюшмасига ва итлар учун бошпанага ташриф буюрди.
Фалдин маҳаллий фуқаролардан бирига сервиз ва санаторияга йўлланма, етимхонага янги плита совға қилди, ногиронлар уюшмаси учун эса уч йиллик мобил алоқа тўловини тўлаб берди. Бироқ энг катта совға итлар бошпанасига насиб этди. Унинг ташкилотчиларидан бирини миллионер қимматбаҳо ресторанга таклиф қилди ва 500 000 рубль солинган конвертни топширди.
Бундай қарорга келишдан олдин Максим Фалдин ушбу бошпанада бир кун кўнгилли бўлиб ишлаб кўрди.
Изоҳ (0)