Ўзбекистонлик режиссёр Анвар Сафоев 70-Канн кинофестивалининг Short Film Corner дастурида ўзининг янги «Шамоллар атиргули» (Compass Rose) номли қисқа метражли фильми билан қатнашади, дея хабар бермоқда MyDay.
Фильмда Франция ва Америка актёрлари роль ўйнади, булар — Laurent Paris, Jenny Lander, Les Brandt, Sophie Venecia Reyes, James Macpherson, Claire Younsi.
Анвар Сафоев ҳикоя қилишича, у Laurent Paris билан 2014 йилги 68-Канн кинофестивали чоғида денгиз соҳилида тасодифан танишиб қолган. Кейинроқ унинг таклифи билан фильм суратга олишга қарор қилган.
Қисқа метражли фильм 2016 йил 13—24 август кунлари Жанубий Калифорния (АҚШ)нинг Newberry Springs шаҳарчасида суратга олинган.
Фильм 24 май куни Канн фестивали залида намойиш этилади. Шунингдек, фильм фестивалнинг «Танқид ҳафталиги» ва «Режиссёрларнинг икки ҳафталиги» дастурларига ҳам топширилган.
Анвар Сафоев 1988 йилда туғилган. Тошкент давлат санъат ва маданият институтининг кино ва телевидение режиссёрлиги» бўлимини тугатган. Уч йилдан буён Францияда яшаб, ижод қилмоқда. Канн ва бошқа фестивалларда қатнашиб бўлгач, Анвар Тошкентга қайтиб, ўзбек кинематографини ривожлантиришни режалаштирмоқда.
Изоҳ (0)