2016 йилнинг адабиёт бўйича Нобель мукофоти лауреати Боб Дилан 10 июнга қадар анъанавий Нобель маърузасини ўқиши лозим, акс ҳолда 8 миллион крон (909 минг доллар) миқдоридаги мукофотдан маҳрум бўлади. Бу ҳақда Швеция академияси доимий котиби Сара Даниус маълум қилди, дея хабар беради «ТАСС».
«Швеция академияси охирги ойларда Боб Дилан билан телефон орқали мулоқотда бўлмаганини билдиради. Шундай бўлса-да, Дилан мукофотнинг пул қисми тўланадиган бўлса, 10 июндан кеч бўлмаган муддатда Нобель маърузасини ўқиши лозимлигидан хабари бор. Нобель қўмитаси низоми шуни тақозо этади. Қандай йўл тутиш энди унинг ўзига боғлиқ», — дея таъкидлади Сара Даниус.
Швеция академияси доимий котиби нима бўлган тақдирда ҳам Боб Дилан адабиёт бўйича Нобель мукофоти лауреати бўлиб қолишини билдирди.
Маълумот учун, Боб Дилан 1—2 апрель кунлари Швеция пойтахти Стокгольмда концерт беради.
Изоҳ (0)