Шварценеггер Трампга: Сени ботқоқлик ўз домига тортиб кетмоқда

Калифорния собиқ губернатори, актёр Арнольд Шварценеггер Twitter’да Дональд Трампга видеомурожаатини эълон қилди, деб ёзади «Корреспондент.net». Унда у АҚШ президенти мамлакатдаги ижтимоий дастурларни қисқартириб, ўзининг сайловолди ваъдаларини бажара олишига шубҳа қилди.

«Рейтинглар пасайиб бормоқда, сени эса ботқоқлик ўз домига тортмоқда. Оҳо, рейтингинг ҳозир 30 фоиз атрофидами? Болалар учун мактабдан ташқари дастурларни ва камбағаллар учун дастурларни қисқартираётган бир пайтингда яна нимани ҳам кутгандинг?» — деди Шварценеггер.

Ҳақиқий вазият билан танишиш учун у Трампга Оқ уй яқинидаги мактаблардан бирини бориб кўришни таклиф қилди ва давлат раҳбарини у ерга олиб боришга тайёрлигини билдирди.

Нашр эслатишича, Gallup компанияси ўтказган сўнгги сўровларга кўра, Трампнинг фаолиятини америкаликларнинг 37 фоизи маъқуллайди, 58 фоизи эса қоралайди.

Hey, @realDonaldTrump, I have some advice. See you at Hart Middle School? Here's more info about #afterschool: https://t.co/NOgdhBHyyp pic.twitter.com/NQI2OdVqtF

— Arnold (@Schwarzenegger) March 21, 2017