Навоий вилоятидаги «Ванғози агро» фермер хўжалигининг шийпонида Маликобод маҳалласининг онахонлари сумалак тайёрлади.
ЎзАнинг хабар беришича, Ўзбекистон Президенти Шавкат Мирзиёев улар билан ижтимоий-иқтисодий ислоҳотлар одамлар ҳаётида қандай акс этаётгани, хотин-қизлар турмушини фаровон қилиш, фарзандлар таълим-тарбияси тўғрисида самимий суҳбат қурди.
Маликобод маҳалласида яшовчи Жумагул Файзуллаева барча ислоҳотлардан аввало одамлар манфаат кўраётгани, Ўзбекистондаги ўзгаришлар халқнинг эртанги кунга ишончини мустаҳкамлаётганини фахр билан таъкидлади.
Одамларнинг қувончи, эртасига ишончи оиласидаги ҳаёт тарзи, турмуш даражасига боғлиқ. Бизга шу ҳам бўлаверади, деган қараш билан яшаш вақти аллақачон ўтди. Уйида даромад топган, фарзандларини ҳам шу руҳда ўстирган оила ўзининг фаровонлигига замин яратади. Давлатимиз томонидан амалга оширилаётган ислоҳотлардан мақсад одамларга елкадош бўлиш, фарзандларининг бахти-камолини кўриши учун барча имкониятларни яратишдир.«Дарё»нинг Telegram’даги расмий канали — @toshqindaryo’га аъзо бўлинг!Шавкат Мирзиёев, Ўзбекистон Президенти
Изоҳ (0)