Навоий вилоятида ташриф билан бўлиб турган Ўзбекистон Президенти Шавкат Мирзиёевга Айдар-Арнасой кўллар тизимида балиқчиликни ривожлантириш бўйича амалга ошириладиган ишлар тўғрисида ҳам маълумот берилди. Бу ҳақда ЎзА хабар бермоқда.
Унга кўра, кўл ҳавзасида балиқ етиштириш бўйича мамлакатимизнинг барча вилоятларига 14 ҳудуд ажратиб берилди. Ушбу ҳудудларда вилоятлар томонидан балиқ етиштириш ва уни муҳофаза қилиш ишлари ташкил этилади.
Шавкат Мирзиёев Жиззах, Навоий, Сирдарё ва Тошкент вилоятларида прокуратура, ишки ишлар бошқармалари ходимларидан иборат махсус отрядлар ташкил қилиш ва кўл ҳудудини броконерлардан тозалаш бўйича мутасаддиларга тегишли топшириқлар берди. Етиштирилган маҳсулотни экспорт қилиш чораларини кўриш зарурлиги таъкидланди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)