2017 йил 17—21 апрель кунлари Тожикистон пойтахти Душанбе шаҳридаги «Пойтахт-90» савдо марказида Ўзбекистон Республикаси саноат корхоналари маҳсулотларининг биринчи кўргазмали ярмаркаси бўлиб ўтади. Бу ҳақда Тожикистон Республикаси Савдо-саноат палатаси матбуот хизмати хабар берди.
Кўргазма-ярмарка Тожикистон ҳамда Ўзбекистон ҳукуматлари, Ташқи иқтисодий алоқалар, инвестиция ва савдо вазирлиги кўмаги остида бўлиб ўтади.
Тожикистон Республикаси Савдо-саноат палатаси, Ўзбекистон Республикаси Савдо-саноат палатаси ва «Ўзэкспомарказ» Миллий кўргазма компанияси ярмарка ташкилотчиларидир.
Кўргазма-ярмарканинг мақсади Ўзбекистон ҳамда Тожикистон ҳукуматлараро комиссиясининг IV мажлиси якунлари бўйича эришилган келишувлар — тенглик тамойилларига асосланган ва ўзаро манфаатли савдо-иқтисодий ҳамда илмий-техник алоқаларни ривожлантириш ва мустаҳкамлаш, инвестициялар, техника ха технологияларни жалб қилишни рағбатлантириш, қўшма корхоналарни ташкил қилиш, шериклар топишни амалга оширишдан иборат. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)