Navoiy viloyatida tashrif bilan bo‘lib turgan O‘zbekiston Prezidenti Shavkat Mirziyoyevga Aydar-Arnasoy ko‘llar tizimida baliqchilikni rivojlantirish bo‘yicha amalga oshiriladigan ishlar to‘g‘risida ham ma’lumot berildi. Bu haqda O‘zA xabar bermoqda.
Unga ko‘ra, ko‘l havzasida baliq yetishtirish bo‘yicha mamlakatimizning barcha viloyatlariga 14 hudud ajratib berildi. Ushbu hududlarda viloyatlar tomonidan baliq yetishtirish va uni muhofaza qilish ishlari tashkil etiladi.
Shavkat Mirziyoyev Jizzax, Navoiy, Sirdaryo va Toshkent viloyatlarida prokuratura, ishki ishlar boshqarmalari xodimlaridan iborat maxsus otryadlar tashkil qilish va ko‘l hududini brokonyerlardan tozalash bo‘yicha mutasaddilarga tegishli topshiriqlar berdi. Yetishtirilgan mahsulotni eksport qilish choralarini ko‘rish zarurligi ta’kidlandi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)