Наманган вилояти ҳокими Хайрулло Бозоров ва Россиянинг Свердловск вилояти губернатори Евгений Куйвашев 27 март куни икки томонлама ҳамкорлик имкониятлари масалаларини муҳокама қилди ва ҳудудлар ўртасида ҳамкорлик ўрнатиш бўйича баённомани имзолади. Бу ҳақда Наманган вилояти ҳокимлиги ахборот хизмати хабар бермоқда.
Россия Федерацияси Ўзбекистоннинг муҳим ва ишончли ҳамкори ҳисобланади. Шу боис ҳудудлар ўртасидаги ҳамкорликка алоҳида урғу бермоқдамиз. Бу ташриф улкан имконият ва салоҳиятга эга бўлган Свердловск вилояти билан ҳамкорликни йўлга қўйишдаги биринчи қадамимиздир. Ўзаро савдо ҳажмини сезиларли равишда оширишдан манфаатдормиз. Турли соҳаларда — металлургиядан тортиб, қишлоқ хўжалигигича лойиҳаларни биргаликда амалга оширишга тайёрмиз.Евгений Куйвашевнинг фикрича, машинасозлик, энергетика, тоғ-кон саноати, қишлоқ хўжалиги, текстил саноати соҳасидаги ўзаро ҳамкорлик ҳамда Намаганда инфратузилмани ривожлантириш бўйича лойиҳаларни биргаликда амалга оширишнинг келажаги порлоқ.Хайрулло Бозоров, Наманган вилояти ҳокими
Свердловск вилояти Наманган вилоятида ишлаб турган корхоналар ва янги барпо этилаётган объектларда ишлаб чиқариш қувватини ошириш бўйича замонавий техник ечимлар таклиф этишга тайёр. Ташкилотларимиз маҳсулотлари ҳам Ўзбекистон ҳукумати давлат дастурларини ҳаётга татбиқ этишда асқотишига ишонаман. Ишонаманки, Сизнинг бугунги ташрифингиз икки томонлама ҳамкорликда янги уфқларни очадиГубернатор Свердловск вилоятининг Ўзбекистон мева-сабзавоти ва полиз маҳсулотларига катта миқдорда эҳтиёжи борлигини таъкидлаб, бу борада Ўрта Урал бозорига ўзбек ишлаб чиқарувчиларининг маҳсулотлари импортини ошириш бўйича қулай механизм яратиш таклифини билдирди.Евгений Куйвашев, Свердловск вилояти губернатори
Хайрулло Бозоров Евгений Куйвашев таклифини қўллаб-қувватлади ва Наманган Савдо-Саноат палатасининг Уралдаги ваколатхонаси очилиши бу борадаги биринчи қадам бўлишини таъкидлади. Шунингдек, ўзбек маҳсулотларини намойиш қилувчи шоу-румлар ташкил этиш Свердловск билан савдо алоқаларини янада кучайтиришига умид билдирди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)