Ўзбекистон Президентининг давлат маслаҳатчиси Турсунхон Худойбергенов «Халқ билан мулоқот ва инсон манфаатлари йили» доирасида Наманган вилоятида сайёр қабуллар ўтказади. Бу ҳақда Наманган вилояти ҳокимлиги хабар бермоқда.
Хабар беришларича, вилоятдаги дастлабки сайёр қабуллар 27 март куни Чуст туман ҳокимлигида вилоятнинг Чуст, Поп ва Косонсой туманлари аҳолиси учун, Наманган шаҳар ҳокимлигида эса Наманган шаҳри, Наманган тумани ва Мингбулоқ тумани аҳолиси учун ташкил этилган.
Турсунхон Худойбергенов 28 март куни вилоятнинг Янгиқўрғон тумани ҳокимлигида Янгиқўрғон, Чортоқ, Тўрақўрғон туманлари учун, Учқўрғон тумани ҳокимлигида эса Учқўрғон, Уйчи ва Норин туманлари аҳолиси учун сайёр қабул ўтказади.
Сайёр қабуллар давомида аҳоли ўзини қийнаётган муаммолар билан Президент давлат маслаҳатчисига мурожаат қилиши мумкин.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)