Қозоғистон тадбиркорлари ўзбекистонлик ҳамкасбларига Хитой ҳамда Россия бозорларини тўлдириш борасида ўзаро ҳамкорликни таклиф қилди, дея хабар беради «Казинформ».
«Қозоғистон яқинида икки йирик бозор жойлашган: Хитой Халқ Республикаси ҳамда Россия Федерацияси. Бу йирик бозорларни фақатгина Қозоғистон тадбиркорлари орқали эгаллаш жуда қийин, чунки улардан келадиган талаблар ҳажм жиҳатдан жуда катта. Қардош давлатларимиз ўртасидаги, Қозоғистон ҳамда ўзбекистонлик бизнесменлар ўртасидаги кооперация ушбу бозорга чиқишнинг катта имконини беради», — дейди «Ота макон» тадбиркорлар палатаси раисининг ўринбосари Нуржан Алтаев.
Ҳозирги вақтда Ўзбекистонда қозоғистонликлар иштирокида 230 га яқин, Қозоғистонда эса Ўзбекистон вакиллари иштирокида 130 дан ортиқ корхона фаолият юритмоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)