Эрон «Исроилни қўллаб-қувватлаган ва Фаластин аҳолиси ҳуқуқларини бузган» АҚШнинг 15 компаниясига нисбатан санкциялар жорий этади. Бу ҳақда «Коммерсантъ» хабар бермоқда.
Бу ҳақдаги қарор АҚШ Эроннинг баллистик ракеталар яратиш бўйича дастури билан алоқалари туфайли қатор хорижий компанияларга нисбатан санкциялар эълон қилганидан икки кун ўтиб қабул қилинди.
АҚШ расмийлари 24 март жума куни Эрон, Шимолий Корея ва Сурияга нисбатан қўлланган чекловларни бузишда айблаб, 30 та чет эл ташкилоти ва 10 мамлакат фуқароларига санкциялар жорий этди.
Бундан 11 шахс ва ташкилот Эрон баллистик ракеталар дастури учун махсус материаллар етказиб берганликда гумон қилиниб, мазкур «қора рўйхат»га киритилди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)