2016 йилда Ўзбекистонда юз берган 133 та фавқулодда вазиятда 258 киши ҳалок бўлди

2016 йилда Ўзбекистонда юз берган 133 та фавқулодда вазиятларда 342 киши жабрланди ва 258 киши ҳалок бўлди, деб ёзади «Газета.uz» Фавқулодда вазиятлар вазирлиги статистикасига таяниб. Ундан аввалги йили эса 162 та фавқулодда вазият кузатилиб, уларда 284 киши жабрланган ва 315 киши ҳалок бўлган эди.

Фавқулодда вазиятларнинг 66 таси техноген хусусиятга, 67 таси — табиий хусусиятга эга бўлган (2015 йилда тегишли равишда 105 ва 57 та). Техноген хусусиятдаги фавқулодда вазиятларда 139 киши (233) жабрланди ва 175 киши (218) ҳалок бўлди, табиий хусусиятдаги фавқулодда вазиятларда жабрланганлар сони 203 кишини (51) ва қурбон бўлганлар сони 83 кишини (97) ташкил қилди.

Ўтган йилда фавқулодда вазиятлардан етган моддий зарар 7,783 триллион сўмга баҳоланган (ундан олдинги йили — 4,5 триллион сўм).