GenForward жамғармаси томонидан ўтказилган сўровнома натижаларига кўра, ёш америкаликларнинг қарийб 57 фоизи Дональд Трампни «ноқонуний президент» деб ҳисоблайди. Бу ҳақда «Газета.ru» хабар бермоқда.
Сўровнома 18—30 ёш оралиғидаги фуқаролар орасида ўтказилган. Трампни энг кўп оқ танли ёшлар қўллаб-қувватлаган — 53 фоиз. Афроамерикаликлар орасида Трампнинг мухолифлари кўпи — сўровномада қатнашган қора танлиларнинг 74 фоизи Трампни «ноқонуний» президент деб атаган.
Қайд этишларича, сўровномада нафақат афроамерикаликлар, балки Лотин Америкаси мамлакатларидан келган фуқаролар ва келиб чиқиши Осиёга бориб тақалувчи ёшлар ҳам қатнашган.
Аввалроқ Трампнинг сиёсатини аҳоли томонидан маъқуллаш рейтинги 37 фоизгача тушиб кетгани маълум бўлган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)