Венгрия мудофаа вазири Иштван Симичко мамлакатнинг жанубий чегарасида унча катта бўлмаган ҳарбий база ташкил этилишини маълум қилди. «Коммерсантъ»нинг ёзишича, бу база муҳожирлар оқимини чеклаш мақсадида очилади.
«Биз учун энг асосийси — Венгрия фуқароларини, оиламиз аъзоларини ҳимоя қилишдир», — дея қўшимча қилди Венгрия мудофаа вазири.
Пойтахт Будапештдан 220 километр жанубда қад ростлайдиган Херцегсанто ҳарбий базаси 150 ҳарбий хизматчини сиғдира олади. Ҳарбийлар давлат чегарасини мамлакат ҳудудига киришга уринаётган «юз минглаб муҳожирлар»дан ҳимоя қилади.
Туркиядан келаётган муҳожирлар оқимига қарши туриш учун Венгрия ҳукумати аввалроқ Сербия билан чегарасида тўсиқ қуришга қарор қилган эди. Май ойида тўсиқнинг иккинчи қатори қуриб битказилиши керак. Венгрия бош вазири Виктор Орбаннинг сўзларига кўра, тўсиқ кузатув тизими билан таъминланади ва у муҳожирларнинг катта оқимини ҳам тўхтатиб қола олади.
Венгрия чегара назоратини кучайтириш ҳақида дастлаб 2015 йилда, мамлакатда 400 мингга яқин муҳожир кириб келганидан сўнг жиддий бош қотирган эди. 2016 йили Венгрия миллий миграция сиёсатини янада қатъийлаштиришини маълум қилди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)