Фото: Жониворлар қабристонига айланган дарё

Парагвай ва Аргентина чегарасида жойлашган Пилькомайо дарёси деярли бутунлай қуриб қолиши оқибатида у ўлим ҳукм сураётган ҳудудга айланиб қолди. Гран-Чако пасттекислигида кузатилган 20 йил ичидаги энг кучли қурғоқчилик бунинг асосий сабаби бўлди. Водийда истиқомат қилувчи жониворлар сувсизликдан нобуд бўлмоқда. Собиқ Пилькомайо дарёси ўзани жониворларнинг қолдиқларига тўлиб бормоқда. Воқеа жойида туширилган аянчли фотосуратларни TravelAsk келтирди.

Парагвай каймани истиқомат қиладиган мамлакатлар қаторида Аргентина, Боливия, Бразилия ва Парагвай бор. Бу судралувчилар жуда қўрқоқ бўлиб, йирик жониворларга бас кела олмайди, шу боис сув манбаларини капибарлар билан бўлишишга мажбур. Бироқ сув манбаи вазифасини бажарган дарёнинг йўқолиши ҳар иккала тур учун ҳам оғир зарба бўлди.

Атрофдаги чорва хўжаликларида сақланувчи жониворлар ҳам қурғоқчилик қурбонларига айланмоқда.

Маълумки, аллигаторлар сув етарли дарё қисмларини топиш ёхуд қуёшдан ўрмонларга яшириниш учун узун масофаларни босиб ўтишга қодир. Аммо ҳатто улар ҳам аёвсиз қуёш тафтидан ва сувсизликдан омон қолмади.

Баъзи бир аллигаторларнинггина омади келди — кўнгиллилар уларни сув бор ерларга кўчирди.

Шунга қарамай, аллигаторларнинг кўпчилиги нобуд бўлди.

Кайманлар қабристони.