Тошкент шаҳрининг Миробод туманида жойлашган «Бешчинор» кафесида 9 март куни ёнғин юз берди. Тошкент шаҳар ИИББда бўлган брифингда Ёнғин хавфсизлиги бошқармаси томонидан ушбу ёнғин сабабларига аниқлик киритилди.
Эрталаб соат 8:48 даги чақирувга асосан ҳодиса жойига тўртта ўт ўчириш экипажи етиб бориб, оловни ўчирган. Ёнғин кафе ишчисининг эҳтиётсизлиги ортидан юз бергани айтилмоқда.
Маълум бўлишича, ишчи қизиган қозонга ёғ солган ва ёғ алангаланиб кетгач, уни ўчирмоқчи бўлиб, қозонга сув сепган. Бу ҳолат аланганинг янада авж олишига, оқибатда кафенинг овқат тайёрланадиган ёзги очиқ қисмидаги 80 квадрат метр жойнинг ёнишига сабаб бўлган.
Шаҳар Ёнғин хавфсизлиги бошқармасидан қўшимча қилишларича, ҳодиса оқибатида ҳеч ким жабрланмаган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)