Тошкент метрополитенида ҳаракатланиш пенсионерлар учун 10:00 дан 16:00 гача бепул бўлди. Бу ҳақда Тошкент шаҳар ҳокимлиги ахборот хизмати «Дарё» нашрига маълум қилди.
Хабар беришларича, бу масала бўйича Вазирлар Маҳкамасининг ва Тошкент шаҳар ҳокимлигининг тегишли қарорлари қабул қилинган. Янгилик 15 мартдан кучга киради.
Пенсионерлик гувоҳномасини кўрсатган йўловчиларга махсус (бепул) жетон берилади ва улар жетонни турникетга ташлаб ўтишлари мумкин бўлади.
10:00 дан 16:00 гача бўлган вақт оралиғида пенсионерларнинг метрополитендан бепул фойдаланиши эҳтимоли ҳақида Ўзбекистон Президенти Шавкат Мирзиёев 2016 йили ўз сайловолди учрашувларидан бирида айтиб ўтган эди.
2017 йил январь ойи бошида бу масала кўриб чиқилаётгани маълум қилинган эди. Январь ойи охирида эса молия вазири ўринбосари Мубин Мирзаев пенсионерларга нафақат метро, балки жамоат транспортидан бепул фойдаланишга имкон берувчи қарор «бир ой мобайнида» қабул қилинишини айтиб ўтган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)