Ўзбекистон бош вазири ўринбосари Улуғбек Рўзиқулов раҳбарлигидаги делегациянинг Покистонга ташрифи доирасида Ўзбекистоннинг Исломоддаги элчихонасида «Савдо карвони: Ўзбекистонда ишлаб чиқарилган» номидаги доимий фаолият юритувчи кўргазма залининг расмий очилиш маросими бўлиб ўтди. Бу ҳақда «Жаҳон» агентлиги хабар бермоқда.
Кўргазма залида Ўзбекистонда ишлаб чиқарилган 170 турдаги маҳсулотлар, жумладан, 51 номдаги қурилиш материаллари, 48 номдаги санитария техникаси, 66 номда кабел-ўтказгичлар ва маиший буюмлар тақдим этилди.
Тадбир давомида Покистоннинг Bahria Town қурилиш компанияси ва «Ўзсаноатекспорт» ўртасида Ўзбекистонда ишлаб чиқарилган қурилиш материалларини Покистонга экспортини амалга ошириш бўйича ҳамкорлик қилиш тўғрисидаги меморандум имзоланди.
Бундан ташқари, хабар беришларича, Покистоннинг бир қатор қурилиш компаниялари ва мобил алоқа операторлари ўзбекистонлик шериклар билан тўғридан-тўғри муносабатларни йўлга қўйишга қизиқиш билдирган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)