Буюк Ипак йўли давридан буён ўзбек халқи ўз меҳмондўстлиги ва тадбиркорлик борасидаги истеъдоди билан танилган. Самарқанд, Бухоро ва Хива каби қадимий шаҳарлар маданият марказлари, шу билан бирга, аввало савдо марказлари сифатида донг таратган.
Бугунги кунда мамлакатимиз мустақиллигининг 25 йиллигини нишонлаб туриб, биз кичик ва ўрта бизнес соҳасидаги мисли кўрилмаган ўсишни кузатишимиз мумкин. Ҳозирги кунимизда тадбиркорлик фаолиятини бошлаш учун ғояси бўлган одамда бошидан бошлаб ҳаётга татбиқ этиш учун барча имкониятлар мавжуд.
Бунга асосан биз чуқур ҳурмат қиладиган, юракларимизда абадий қолган биринчи президентимиз Ислом Абдуғаниевич Каримов томонидан қабул қилинган тадбиркорликни ривожлантириш дастурлари имконият яратади. Шунингдек, бундай хайрли ислоҳотларни президентимиз Шавкат Миромонович Мирзиёев ҳам давом эттирмоқдалар.
«Ушбу мавзуда кўргазма ўтказиш ғояси бизда анча аввал пайдо бўлганди, — дейди кўргазма ташкилотчилари. — Ва бу ғояни амалга оширишга доимгидек қониқмаслик ҳисси туртки бўлди. Ёш тадбиркорлар сифатида биз бизнес учун янги имкониятларни олиш мумкин бўлган майдонларни қидирардик, токи у ерда янги билимларни ўстириш, тажриба алмашиш ва омадли тадбиркорларнинг муваффақиятларидан илҳомланиш мумкин бўлсин.
Шу сабабли «Business Expo Uzbekistan 2017» кўргазмасини ташкил этишга, аниқроғи, бизнес соҳасидаги халқаро ва маҳаллий экспертларни, давлат ва банк муассасаларини, консалтинг фирмаларини, экспорт ва импорт билан шуғулланувчи компанияларни, бизнесни бошқариш масалалари бўйича мутахассисларни, креатив маркетинг агентликларини бир жойга тўплашга қарор қилинди.
Шунингдек, кўргазма доирасида Business Hub тадбири бўлиб ўтади, у, хусусан қуйидаги мавзуларга бағишланади: «Қандай қилиб ўз бизнесини очиш мумкин?», «Бизнесда кўп хатога йўл қўймаслик учун нима қилиш керак?», «Бизнес ёки лойиҳани тўғри ишга тушириш» ва бошқалар. Бундан ташқари, тадбиркорлик ва интернет-маркетинг асослари билан боғлиқ қатор ҳуқуқий масалаларни кўриб чиқиш режалаштирилмоқда».
Ташкилотчилар ўз ролини қуйидагича белгилайди: кўргазманинг «Бизнес ҳамма учун. Ҳамма нарса бизнес учун» шиоридан келиб чиқиб, бизнесменлар ва ўз бизнесини очишни истаганлар қаршисида ижод учун кенг майдонни очиб бериш. Уларнинг йўлини шубҳалар ва иккиланишлардан холи қилиш ва агар кўргазмага ташриф буюриб, «мен ҳам ўз ишимни бошласаммикан? Ўз бизнесимни очсаммикан?» — деб ўйлаб қолсангиз, ҳамда ниятингизни амалга ошириш ва ўз ишингизни ривожлантириш учун зарур имкониятларнинг барчаси қўлингизда бўлса — кўргазма ташкилотчилари ўз вазифасини бажарилган деб ҳисоблайди.
Иштирокчи сифатида кўргазманинг бир бўлагига айланиш ва мамлакатимизда тадбиркорликни ривожлантиришга ҳисса қўшишдек имкониятни қўлдан бой берманг!
«Business Expo Uzbekistan 2017» кўргазмасида иштирок этиш масалалари бўйича ташкилотчиларга мурожаат қилинг:
Тел: +99871 230-57-30, +99871 227-10-51Сайт: expocity.uze-mail: info@expocity.uz
Реклама ҳуқуқи асосида
Изоҳ (0)