АҚШ ИШИДга қарши курашда ягона жабҳани сақлаб қолиш учун махсус бўлинма жангчиларини Суриянинг Манбиж шаҳрига юборди. Бу ҳақда Давлат департаменти матбуот хизмати бошлиғи вазифасини бажарувчи Марк Тонер маълум қилди, дея хабар беради «ТАСС».
«Ал-Боб шаҳридан шарқда ўта мураккаб вазият юзага келди. Очиғини айтганда, бу ҳудудда қатор кучлар тўпланиб қолди ва уларнинг барчасининг мақсади бир. Шу сабабли уларга диққатларини бошқа вазифаларга қаратмай, айнан ИШИДга қарши туриш, жангариларни тор-мор этишга қаратиш бўйича сигнал йўллаяпмиз», — дея таъкидлади Марк Тонер.
Маълумот учун, Манбиж Ал-Боб шаҳридан бир неча ўн километр шарқда жойлашган бўлиб, Пентагон 6 март, душанба куни бу ерга АҚШ махсус бўлинмалари юборилишини эълон қилди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)