Сноуден АҚШ расмийлари смартфонларда заиф жойлар қолдирганини «ақлсизлик» деб атади

АҚШ ҳукумати томонидан маҳаллий смартфонларда хакерлар томонидан фойдланилиши мумкин бўлган заиф бўғинларнинг яратилиши ақлсизлик бўлган. Бу ҳақда WikiLeaks чоп этган МРБ кибержосуслик услублари ҳақида фикр билдирган АҚШ махсус хизматлари собиқ ходими Эдвард Сноуден маълум қилди, дея хабар беради «ТАСС».

«Марказий разведка бошқармаси ҳисоботлари АҚШ ҳукумати Америка маҳсулотларида заиф жойлар яратгани ва кейинчалик уларни атайин сақлаб келганлигини кўрсатмоқда. Бу шунчалик калта ўйланганки, таърифлашга тил ожиз. Чунки заиф жойлар ёпилмас экан, ҳар қандай хакер МРБ қолдирган хавфсизлик тизимидаги ҳимояланмаган нуқталардан дунёдаги исталган iPhone’ни бузиш учун фойдаланиши мумкин», — дея таъкидлади Сноуден.

АҚШ махсус хизматлари собиқ ходими WikiLeaks эълон қилган материаллар унга «муҳим ва ҳаққоний» кўринаётгани, уларни ўрганишда давом этаётганини билдирди. «Дарё»нинг Telegram’даги расмий канали — @toshqindaryo’га аъзо бўлинг!