Ўзбекистон Президенти Шавкат Мирзиёев ва Туркманистон президенти Гурбангули Бердимуҳамедов рамзий лентани қирқиб, Амударё орқали ўтган Туркманобод—Фароб янги темир йўл кўпригини очиб берди. Бу ҳақда «Туркменистан сегодня» хабар бермоқда.
Очилиш маросими муносабати билан Ўзбекистон ва Туркманистон санъат усталари чиқишлари, икки халқ амалий санъати намуналари кўргазмаси, театрлашган томошалар ташкил этилди.
Узунлиги 1750 метр бўлган янги темир йўл кўприги қурилишида зилзилабардошли, ўта оғир юк поездлари ўтиши ҳисобини олинган конструкциялардан фойдаланилган. Кўприк остидаги кемалар ўтиши учун мўлжалланган жой баландлиги 10 метр, эни эса 60 метрдан иборат.
Амударёнинг икки қирғоғида, темир йўл кўприги бўйлаб қирғоқни мустаҳкамловчи ишлар бажарилди. Иншоотни барпо этишда жойнинг иқлим, тупроқ, муҳандислик-геология, гидрология шароитлари инобатга олинди.
Ҳозирга қадар Амударё орқали темир йўл ҳаракати 1901 йилдан бери фойдаланилаётган эски кўприкда амалга ошириб келинарди. Шу боис Туркманистон президенти 2013 йил 8 февралда янги темир йўл кўприги қуриш ҳақида қарор қабул қилди.
Мавзуга доир: Туркманобод шаҳрида Ислом Каримов ҳайкали очилди
Изоҳ (0)