Туркманистоннинг Лебап вилояти маъмурий маркази Туркманобод шаҳрида Ўзбекистоннинг Биринчи Президенти Ислом Каримов ҳайкали очилди. Бу ҳақда «Туркменистан сегодня» хабар бермоқда.
Фото: «РИА Новости»
Ҳайкалнинг очилиш маросимида Ўзбекистон Президенти Шавкат Мирзиёев ва Туркманистон президенти Гурбангули Бердимуҳамедов иштирок этди.
Туркманистон президенти маросимдаги чиқиши чоғида Ислом Каримовнинг икки давлат ва қардош халқлар ўртасидаги муносабатларни мустаҳкамлашга қўшган улкан ҳиссасини қайд этди.
Ўзбекистон ва Туркманистон етакчилари Ислом Каримов ҳайкали пойига гуллар қўйди.
Лебап вилояти маъмурий маркази кўчаларидан бирига ҳам Ислом Каримов номи берилди.
Изоҳ (0)