Япония Ташқи ишлар вазири Фумио Кисида 6 март, душанба куни АҚШ давлат котиби Рекс Тиллерсон ва Жанубий Корея ташқи ишлар бошқармаси раҳбари Юн Бён Се билан телефон орқали уч томонлама музокаралар ўтказди. Бу ҳақда Япониянинг NHK телевидениеси маълум қилди, деб ёзади «ТАСС».
Томонлар КХДР томонидан ракета учирилганлигини муҳокама қилганлиги маълум қилинмоқда. Музокаралар ҳақидаги янада тўлиқроқ маълумотлар ҳозирча маълум қилинмади.
КХДР ғарбий соҳилидан Япон денгизи йўналишида тўртта ракета учирди. Япония ҳукуматининг маълум қилишича, ракеталар минг километрга яқин парвоз қилган ва улардан учтаси Япониянинг махсус иқтисодий зонаси ҳудудига қулаган. Токио Пхеньян ҳаракатларини кескин қоралади ва унга дипломатик каналлар орқали норозилик нотасини юборди.
Изоҳ (0)