Ер юзидаги энг қимматбаҳо йўқолган хазиналар

«Вести Экономика» Ер юзидаги энг қимматбаҳо йўқолган хазиналар рўйхатини тақдим этди.

Англия қироли Иоанн Ерсизнинг хазинаси

Ҳокимиятни қўлдан бой берганидан кейин ҳам қаерга бормасин, хазинасини ўзи билан олиб юрувчи қирол 1216 йилда Линкольнширдан Норфолкка кўчиб ўтаётиб, қимматбаҳо мол-мулкини ботқоқликда йўқотган.

Ғойиб бўлган Пайтити шаҳри

Анд тоғларида, Перу жануби-шарқи, Боливия шимоли ёки Бразилия жануби-ғарбида жойлашган, инкларнинг йўқолган ёки афсонавий шаҳри. XIX асргача ҳужжатларда Пайтити одам яшайдиган шаҳар сифатида тилга олинади, аммо ундан кейин бирор марта ҳам у ҳақда маълумот берилмайди.

Крюгернинг ғойиб бўлган миллионлари

Жанубий Африкадаги Иккинчи инглиз-бур уруши (1899—1902) даврида давлат захиралари, банклар ва конлардан олинган барча олтинлар мамлакат президенти Паул Крюгер билан бирга мамлакатдан чиқиб кетган. Унинг ўзи охир-оқибат кемага ўтириб, Францияга тушган, йиғилган олтин қаерда қолгани эса — жумбоқ.

Мис қоғоз ўрами

Мис қоғоз ўрами 1946 ва 1956 йилларда топилган «Ўлик денгиз ўрамлари» деб ном олган 981 та матндан биридир. Тарихчилар у хазиналар харитаси бўлиши мумкинлигини тахмин этмоқда. Аммо унда кўрсатилган, олтин ва кумуш хазиналари бекитилган 60 та жой топилгани йўқ.

«Флор де Мар» кемаси хазинаси

60 тоннага яқин олтинни ортиб кетаётган Португалиянинг «Флор де Мар» кемаси 1511 йилда Суматра сув ости қояларида ҳалокатга учраган. Аммо кема қолдиқлари ва хазина топилмаган.

Фаберже тухуми

Карл Фаберже фирмасининг заргарлик буюмлари серияси 1885—1917 йиллар оралиғида яратилган. 71 та тухумдан 62 таси бугунги кунгача етиб келган, қолганлари йўқолган деб ҳисобланади.

Испаниянинг хазиналар флоти

1715 йилда Испаниянинг 2 миллиард доллар қийматдаги дур, олтин ва кумушлар ортилган кемалар флоти Кубага жўнаш йўлида чўкиб кетган. 11 та кемадан 7 таси топилган.