Ўз ҳаёти ҳақида YouTube-канали орқали ҳикоя қиладиган Индонезия президенти (видео)

Индонезия президенти Жоко Видодо ўз ҳаёти ҳақида видеоблоглар ёрдамида ҳикоя қилишни афзал билади, деб ёзади TJournal.

Чунончи, 1 март куни мамлакат етакчиси ўз YouTube-каналига Саудия Арабистони қироли Салмон ибн Абдулазиз Ал Саудни президент саройида қабул қилиб олгани акс этган видеони жойлади.

https://youtu.be/qGLmisC4L6o

Бундай видеолар учун у #JKWVLOG хештегидан фойдаланади, шу тариқа улар каналда эълон қилинадиган бошқа телевизион репортажлар ва расмий видеолардан ажралиб туради.

Индонезия президенти ўз видеоларини унчалик ҳам тез-тез эълон қилмайди. Февраль бошида у футбол бўйича Президент Кубоги трибуналарида олинган видеони жойлаган эди.

https://youtu.be/OVSS6VGt-_M

Шунингдек, ўша вақтда президент вазирлар билан кўча емакхоналаридан бирида тамадди қилгани акс этган видеони бўлишган эди.

https://youtu.be/xA2ILU35FK8

2016 йил сентябрида эса Видодо камондан ўқ отишни ўрганаётгани ҳақида гапириб берган ва фуқароларнинг саволларига жавоб қилган эди.

https://youtu.be/k9ehWe43qV8

2016 йил августида Индонезия Мустақиллик кунини нишонлаш чоғида президентнинг YouTube-каналида тадбирнинг кенг форматдаги тўғридан-тўғри трансляцияси бўлиб ўтганди.

Илк маротаба Индонезия президенти YouTube’да ўзининг 22 ёшли ўғлининг каналида пайдо бўлган эди. Роликда улар армрестлинг жангини ўтказганди.

https://youtu.be/fpIFDfbh-jM

Видодо Twitter ва Instagram’дан ҳам фаол фойдаланади, у ердаги обуначиларининг умумий сони ўн миллиондан ошади.