АҚШнинг Бостон шаҳрида яшовчи @TheReal_JDavis тахаллусли Twitter фойдаланувчиси 2 март куни ғайритабиий ҳодисага гувоҳ бўлди: 18 та курка йўлда ётган мушук ўлигининг атрофида доира ҳосил қилиб айланаётган эди.
The Verge нашри куркаларнинг бундай ғалати ҳолатини тушунтиришни сўраб олимларга мурожаат қилди.
Калифорния университети биологи Алан Кракуэрнинг айтишича, агар ўлжа йиртқич борлигини сезиб қолса, йиртқич қочиб кетиши мумкин. Куркалар бу хатти-ҳаракат орқали мушукни «текширган» ва қондошларини огоҳлантирган. Олимнинг таъкидлашича, у бир марта қушлар ва коёт иштирокидаги шундай ҳолатга гувоҳ бўлган.
Калифорния ёввойи табиатни муҳофаза қилиш департаменти мутахассиси Скотт Гарднер бу ҳолатни ғайритабиий деб ҳисоблади. Унинг фикрича, мушук куркалар учун хавфли йиртқич ҳисобланмайди, куркалар эса унинг жасади билан озиқланмайди. Гарднернинг тахминича, паррандалар шунчаки бир-бирининг изидан юра бошлаган.
Биологларнинг тушунтиришларига қарамасдан, Twitter фойдаланувчилари куркалар «иблисона маросим» ўтказиб, мушукка ўнинчи жон ато этишга уринмоқда, деб ҳазил қилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)