Бразилиянинг шимоли-шарқий қисмида яшовчи аҳоли сўнгги 30 йилдаги энг кучли қурғоқчиликдан қийналмоқда. «Коммерсантъ» қурғоқчиликдан азият чекаётган бразилияликлар ҳаёти акс эттирган фотожамланмани тақдим этди.
Ҳукумат чучук сув манбаи бўлган бўшаб қолган сув ҳавзаларини тўлдириш учун дарё ирмоқларини йўналтиришни режалаштирмоқда.
Жуда кучли жазирамадан сўнг қурғоқчилик юзага келди. Сувнинг етишмаслигидан қишлоқ хўжалиги жабр чекмоқда. Намлик даражаси сўнгги 30 йилдаги энг паст даражага тушди.
Қурғоқчиликдан Кампина-Гранди шаҳри ва унинг атрофида яшовчи 400 минг киши азият чекди. Ҳудудни чучук сув билан таъминлаган Бакейран сув омборида атиги 4 % сув қолди.
«Агар сув омбори тўлдирилмаса, бутун шаҳарнинг сув таъминот тизими парокандаликка юз тутади», — дейди Кампина-Гранди университетининг сув ресурслари бўйича эксперти, профессор Жаниру Коста Рего.
Муаммони ҳал қилиш учун Бразилия расмийлари ҳудуддаги Сан-Франциско дарёсининг ирмоғини Кампина-Гранди сув омборига йўналтиришни режалаштирмоқда. Лойиҳа 2000 йилдан буён тайёрланмоқда, бироқ ҳали якунига етгани йўқ.
Жазирама ва сувнинг етишмаслиги туфайли уй ҳайвонлари касалликларга йўлиқмоқда.
Маҳаллий аҳоли вакилларининг сўзларига кўра, ювиниш ёки сув тўплаш учун шаҳардан уч километр узоққа боришга тўғри келмоқда.
Биз барча бананларни, картошкаларни, меваларни йўқотдик.Эдивалдо Брито, Кампина-Грандида яшовчи киши
Қуруқ келган ёз ҳосилнинг нобуд бўлишига олиб келди. Шу туфайли Бразилия биринчи марта кофе импорт қилишни режалаштирмоқда. Кофе етказиб бериш бўйича музокаралар Вьетнам компаниялари билан олиб борилмоқда.
Бразилия чучук сувнинг энг катта захираларига эга бўлишига қарамасдан, бу охирги бир неча йилда қурғоқчилик сабабли юзага келган иккинчи инқироз. 2015 йилда Рио-де-Жанейро ва Сан-Пауло мегаполислари қурғоқчиликдан азият чеккан эди.
Бразилиянинг шимоли-шарқий қисми аҳолиси идишларда етказиб берилаётган сувнинг етарли эмаслигидан нолимоқда.
Қурғоқчиликдан азият чеккан ҳудудлардан бири — Парамба штатида маҳаллий аҳоли ижтимоий кўмак дастури ҳисобидан яшамоқда.
Сув муаммоси давом этадиганга ўхшайди. Ҳозир сайловолди кампанияси кетмоқда, сиёсатчилар бизга ёрдам беришга ваъда бермоқда. Бироқ бу бизнинг овозимизни олиш учунгина қилинмоқда.Эдивалдо Брито, Кампина-Грандида яшовчи киши
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)