Россия президенти Владимир Путин Бишкекда қирғизистонлик ҳамкасби Алмазбек Атамбаев билан бўлиб ўтган қўшма матбуот анжумани вақтида Россия Кантдаги авиабазани ёпишга тайёр эканини билдирди. Бу ҳақда «Коммерсантъ» хабар бермоқда.
«Агар вақти келиб Қирғизистон: биз ўз қуролли кучларимизни етарли даражада мустаҳкамлаб олдик ва энди бизга бундай база керак эмас, деса, биз ўша куниёқ бу ерни тарк этамиз», — деди Путин.
Россия президентининг қайд этишича, аслида Россиянинг Қирғизистонда ҳарбий контингент «сақлаб туришига ҳеч бир зарурат йўқ». Путиннинг қўшимча қилишича, бу контингент «фақат Қирғизистоннинг хавфсизлигини таъминлаш учун жойлаштирилган».
2016 йилнинг декабрида Алмазбек Атамбаев, келишув муддати якунига етиши билан, Россия авиабазаси Қирғизистондан чиқарилишини маълум қилган эди. У Қирғизистон «келажакда Россия, Америка ёки бошқа бир мамлакатнинг базаларига эмас, балки фақат ва фақат ўз қуролли кучларига таяниши лозимлиги»ни айтиб ўтган эди.
Кант авиабазаси Қирғизистоннинг Чуй вилоятида жойлашган. У 1941 йилдан бери мавжуд, Россия самолётлари эса 2003 йилдан бу ерга жойлашган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)