Филадельфияда яҳудийлар қабристони таҳқирланди. Мусулмонлар уни қайта тиклашга ёрдам берди

Филадельфиядаги яҳудийлар қабристонида 100 га яқин қабртошлар ағдариб ташланди, уларнинг баъзилари синиб кетди, деб хабар бермоқда Meduza.

Police estimate 75-100 headstones toppled at Mount Carmel Jewish cemetery in Philly. pic.twitter.com/CrxtfGv2cd

— Stephanie Farr (@FarFarrAway) February 26, 2017

Яҳудийлар қабристонини қайта тиклаш ишига мусулмонлар жамоаси ҳам ёрдам қўлини чўзди. Фаол Тариқ ал-Массидийнинг айтишича, у қабристонга келган вақт, бошқа бир гуруҳ мусулмонлар қабртошларни кўтаришга ёрдам бераётган эди.

Тариқ ал-Массидий бир ҳафта аввал Сент-Луисдаги зарар етказилган яҳудийлар қабристонини қайта тиклаш учун хайрия пулларини тўплаш билан шуғулланган эди. У керагидан анча ортиқ пул — 130 минг доллар тўплашга муваффақ бўлган. Шунда Тариқ пулнинг бир қисмини Филадельфиядаги қабристоннинг қайта тиклаш учун йўналтиришни таклиф қилган.

«Мен барча мусулмонларни яҳудий биродарларимиз ва опа-сингилларимизга ёрдам қўлини чўзишга чақираман», — деб ёзди ал-Массидий Facebook’даги саҳифасида.