Филиппиннинг «Абу Сайяф» экстремистик гуруҳи жангарилари ўтган йилнинг ноябрь ойидан буён ўз қўллари остида асирликда сақланаётган 70 ёшли Германия фуқароси Юрген Кантнернинг ўлдирилиши акс этган видеоёзувни тарқатди, деб ёзади Meduza террорчилар фаолиятини мониторинг қилувчи SITE Intelligence Group ташкилотига таяниб.
Видеода гуруҳ аъзоларидан бири Кантнернинг бошини танасидан жудо қилаётгани акс этган.
«Абу Сайяф» асирни озод этиш учун 30 миллион Филиппин песосини (тахминан 600 минг доллар) талаб қилган эди, тўлов муддати 26 февралда тугади.
Филиппин ҳукумати Кантнернинг ўлими ҳақидаги маълумотни тасдиқлади. Ҳукумат вакили айтишича, «сўнгги лаҳзагача кўплаб муассасалар, шу жумладан, куч муассасалари уни қутқариш учун барча имкониятини ишга солган».
Ҳукумат маълумотларига кўра, айни пайтда террорчилар етти нафар филиппинлик ва 19 нафар чет элликни асирликда сақламоқда.
Изоҳ (0)