Ўзбекистон ва Халқаро меҳнат ташкилоти (ХМТ) Тошкентда «Муносиб меҳнат шароитлари дастури»нинг 2017—2020 йилларга узайтирилишини кўзда тутувчи ўзаро англашинув меморандумини имзолади. Бу ҳақда UzDaily хабар бермоқда.
Ҳужжат ХМТнинг Европа ва Марказий Осиё бўйича минтақавий директори Хайнц Коллер бошчилигидаги делегация ташрифи доирасида имзоланди.
«Ўзбекистонда қисқа муддатда халқаро меҳнат нормалари ва стандартларини мослаштириш масаласида ижобий ўзгаришлар юз берди. Болалар меҳнати амалиётига барҳам берилди, пахта йиғим-терими давомида мажбурий меҳнатнинг олдини олиш бўйича сезиларли силжишларга эришилди. Мамлакат меҳнат соҳасидаги халқаро мажбуриятларга масъулият билан ёндашмоқда, ҳукумат, иш берувчилар ва касаба уюшмалари ўртасидаги самарали ижтимоий мулоқот давом этмоқда», — дея таъкидлади Хайнс Коллер.
Меҳнат вазири Азиз Абдуҳакимов «Муносиб меҳнат шароитлари дастури» доирасида 2014—2016 йилларда мамлакатда миллий меҳнат қонунчилигини такомиллаштириш, аҳолининг меҳнат ҳуқуқидан хабардорлиги масалалари муваффаққиятли амалга оширилганини таъкидлаб, Халқаро меҳнат ташкилоти вакилларига миннатдорлик билдирди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)