BlackBerry компанияси клавиатурали смартфонларни ишлаб чиқаришни қайтадан йўлга қўйди. Янги модель KeyOne деб номланган. Бу ҳақда The Verge нашрига таяниб, «Коммерсантъ» хабар берди.
Телефон 4,5 дюймли сенсорли экран ва 12 мегапикселли камерага эга. Смартфоннинг пастки қисмида клавиатура жойлашган. Ишлаб чиқарувчи ҳар бир тугмани аниқ дастурга боғлаш асосида дастурларни тезкор ишга тушириш имкониятини яратди.
Бундан ташқари, Android операцион тизимида ишловчи смартфон кўп вазифалилик имкониятига эга бўлиб, бир вақтнинг ўзида иккита дастурда ишлай олади. BlackBerry телефон хотирасидаги маълумотлар хавфсизлиги оширилганини ва киберҳужумдан ҳимоянинг кучайганини таъкидламоқда. Апрель ойида сотувга чиқадиган янги телефоннинг нархи 549 долларни ташкил қилади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)