Англия пойтахти полициясининг Лондон хизмати (Скотланд-Ярд) комиссари этиб Крессида Дик тайинланди, деб ёзади Meduza. У бўлинманинг 188 йиллик тарихида ушбу лавозимни эгаллаган илк аёлга айланди.
Крессида Дик 56 ёшда. У 30 йилдан ошиқ вақт давомида полицияда хизмат қилди, 2011—2015 йилларда комиссар ёрдамчиси бўлиб ишлади ва Скотланд-Ярд фаолиятининг аксилтеррорчилик йўналиши учун масъул бўлди. Сўнгги икки йил давомида у ташқи ишлар вазирлигида хавфсизлик соҳаси билан боғлиқ юқори лавозимда ишлади.
Пойтахт полициясининг Лондон хизмати (Скотланд-Ярд) — Буюк Британиядаги энг йирик полиция бўлинмаси. Хизматнинг мажбуриятларига Катта Лондон (Ситидан ташқари) ҳудудида полиция функциясини бажариш, шунингдек, бутун мамлакат ҳудудида терроризмга қарши кураш ҳамда қироллик оиласи ва ҳукумат аъзоларини қўриқлаш киради.
Изоҳ (0)