Исроил парламенти ўз дресс-кодига ўзгартириш киритмасликка қарор қилди — мини-юбка кийган аёллар муассасага киритилмайди. Бу ҳақда The Times of Israel хабар бермоқда.
2016 йилнинг декабрида Кнессетда ишлайдиган 30 дан зиёд ёрдамчи аёллар мини-юбкалар ва калта кўйлаклар билан парламент биносига киришга уринган эди.
Норозилик намойишининг аксарият иштирокчилари охир-оқибат бинога киришга муваффақ бўлган (уларнинг ёнида захира либослари ҳам бўлган), лекин тўрт аёл барибир ичкарига қўйилмаган эди.
Аёл ходимларнинг талабини ўрганиб чиқиш мақсадида, парламентда депутатлар иштирокида махсус қўмита тузилган. Бироқ кўйлак ва юбкаларнинг этаги узунлиги бўйича мавжуд талаб ва қоидалар ўзгаришсиз қолдирилган.
Аксинча, парламентдаги кийиниш маданияти талаблари ижросини таъминлаш мақсадида янада қатъийроқ чоралар ишлаб чиқилган — қоидабузарлар дастлаб огоҳлантирилади, агар қоидабузарлик яна такрорланса, парламентга кириш ҳуқуқидан маҳрум этилади.
Изоҳ (0)