Ингушетия Халқ йиғини ҳудудда Иосиф Сталин хотирасини абадийлаштиришни тақиқлаш тўғрисидаги қонун лойиҳасини биринчи ўқишдаёқ бир овоздан қабул қилди, деб ёзади Meduza.
Ҳужжат Сталин буйруғига кўра бошланган ингуш халқи депортациясининг 73 йиллиги арафасида тасдиқланди. Қонун лойиҳаси ҳайкаллар ўрнатиш, Сталин номини аҳоли пунктлари ва кўчаларга бериш, шунингдек, унинг фаолиятини жамоат олдида оқлаш ва маъқуллашни ман қилади.
1944 йил бошида Собиқ иттифоқ раҳбарияти чеченлар ва ингушларни Ўрта Осиёга депортация қилиб, Чечен-Ингуш ACСРни тугатиш ҳақида қарор қабул қилган эди. Республика аҳолиси фашистлар билан ҳамкорлик қилгани таъкидланган.
Изоҳ (0)