АҚШ аҳолисининг ярмидан кўпи Дональд Трампнинг президент сифатидаги фаолиятининг биринчи ойидан қониқиш ҳосил қилмади.
Бу ҳақда, NBC News телеканали ва SurveyMonkey платформаси биргаликда ўтказган сўров натижаларига асосланиб, The Hill хабар бермоқда.
Тадқиқот маълумотларига кўра, америкаликларнинг 54 фоизи янги президентнинг фаолиятидан норози, 43 фоиз респондент эса Трампни қўллаб-қувватламоқда.
Бундан ташқари, сўровномада иштирок этганларнинг 31 фоизи ҳукуматнинг ишидан «асабийлашаётганини» билдирган бўлса, америкаликларнинг 43 фоизи ҳукумат фаолиятини қониқарсиз деб баҳолади.
Сўровномада қатнашганларнинг 50 фоизи Трампнинг муҳожирларга қарши қаратилган ва шов-шувларга сабаб бўлган фармонини маъқуллаган, 47 фоиз респондент унга қарши чиққан.
Қайд этишларича, сўровнома 13—19 февраль кунлари давомида 11 512 нафар америкалик орасида ўтказилган. Сўровнома интернетда ташкил этилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)