Латвия компаниялари АКТ—2017 ҳафталигида иштирок этишга таклиф қилинди

Ахборот технологиялари ва коммуникацияларини ривожлантириш вазирлигида Латвиянинг Ўзбекистондаги Фавқулодда ва мухтор элчиси Эдгарс Бондарс билан учрашув бўлиб ўтди. Бу ҳақда вазирлик ахборот хизмати хабар бермоқда. 

Учрашувда ахборот-коммуникация технологиялари соҳасида икки томонлама ҳамкорликни кенгайтириш масалалари муҳокама қилинди.

Томонлар ахборот технологиялари бўйича Ўзбекистон ва Латвияда фаолият кўрсатаётган компания ҳамда муассасалар иштирокида тадбирлар ташкил этиш юзасидан қизиқиш билдирди. 

Учрашувда Ўзбекистон томони Латвия ИТ-компанияларини жорий йил сентябрь ойида ўтказилиши режалаштирилган АКТ ҳафталигида иштирокини ташкил этиш бўйича таклиф киритди.