Давлат рақобат қўмитаси раиси Даврон Ҳидоятов Туркиянинг Ўзбекистондаги Фавқулодда ва мухтор элчиси Ахмет Башар Шен билан учрашди. Бу ҳақда қўмита ахборот хизмати маълум қилди.
Учрашувда томонлар хусусийлаштириш, монополияга қарши тартибга солиш ва қўмита фаолиятининг бошқа йўналишлари бўйича яқиндан ҳамкорлик қилиш истиқболларини муҳокама қилди.
Ўзбекистоннинг Хусусийлаштириш дастурига чет эллик инвесторларни жалб этишнинг аҳамияти ва муҳимлигидан келиб чиқиб, Туркия ишбилармонлар доирасини ушбу дастурларга кенг жалб этиш масаласи кўриб чиқилди.
Томонлар рақобатни ривожлантириш, истеъмолчилар ҳуқуқларини ҳимоя қилиш соҳаларида ҳамкорликни йўлга қўйиш, ташкил этилаётган бизнес форумларда иштирок этиш тўғрисида келишиб олди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)