Тошкент шаҳар ҳокимлиги Президентнинг «Тошкент шаҳрида кичик саноат зоналарини ташкил қилиш тўғрисида»ги қарори лойиҳасини ишлаб чиқди, деб ёзади Norma.
Лойиҳага кўра, кичик саноат зоналарини яратиш учун пойтахтнинг Мирзо Улуғбек, Яшнобод, Олмазор, Миробод, Чилонзор, Юнусобод, Бектемир ва Учтепа каби саккизта туманида жойлашган ҳудудлар ва объектларни ажратиш режалаштирилмоқда.
Кўрсатилган ишлаб чиқариш майдонлари ва ер участкалари тадбиркорлик субъектларига 10 йиллик муддатга ижарага берилади. Барқарор ўсиш суръатлари кузатилса, лойиҳаларни амалга ошириш ҳақидаги келишув шартлари бажарилса, барча солиқ ва тўловлар вақтида тўланса, муддат яна шунча вақтга автоматик тарзда узайтирилади.
Шунингдек, ҳужжатда ижара ҳақининг имтиёзли ставкалари белгиланган.
Бундан ташқари, тижорат банклари инвестиция лойиҳаларини тегишли зоналарда амалга ошираётган ташкилотларга муддати камида етти йиллик, имтиёзли даври 24 ойлик имтиёзли кредитларни ажратади.
Изоҳ (0)