Канада АҚШ президенти Дональд Трампнинг миграция ҳақидаги фармонидан сўнг Канада—АҚШ чегарасини кесиб ўтаётган ноқонуний муҳожирлар учун бошпана беришдан бош тортмайди. Бу ҳақда Канада бош вазири Жастин Трюдо маълум қилди, дея хабар беради «Интерфакс».
«Канада очиқ мамлакат бўлиб қолаётганлиги сабабларидан бири — фуқароларимизнинг мамлакат миграция тизими ва чегараларимиз дахлсизлиги, хавфсизликка интилаётган кишиларга ёрдам беришимизга ишончидир. Тизим қаттиқлиги ва кўмакка муҳтож кишиларни қабул қилиш ўртасидаги мувозанат сақлаб қолинади», — дея таъкидлади Жастин Трюдо.
Трампнинг фармонидан сўнг АҚШдан Канадага келаётган қочоқлар сони сезиларли даражада кўпайди. 2016 йил январида Канада—АҚШ чегарасида 137 киши Канададан бошпана сўраган бўлса, жорий йил январда уларнинг сони 452 кишини ташкил этди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)