Қозоғистон ташқи ишлар вазирлиги Қирғизистоннинг мамлакатдаги муваққат вакили Кайнарбек Токтомишевга норозилик нотасини топширди. Бу ҳақда K-News хабар бермоқда.
Ҳужжатда Қирғизистон президенти Алмазбек Атамбаевнинг Euronews телеканали эфирида мамлакатда 2010 йил баҳорида юз берган воқеалар (президент Курманбек Бакиевнинг лавозимдан четлатилиши)давомида Қозоғистон томонидан чегараларнинг ёпилишини эслатиб ўтиши муносабати билан «таажжуб ва қўшилмаслик» билдирилган.
Қозоғистон ТИВга кўра, олдинлари Қирғизистон раҳбарияти қўшни давлатнинг мамлакатда 2010 йил баҳорида юзага келган тангликни бартараф этишдаги ўрнини доимо таъкидлаб келган, «қамал ва инсонлар ўртасидаги қурбонлар» ҳақида масалани кўтармаган.
Ўз навбатида, Қирғизистон ТИВ Қозоғистон томонига президент баёноти моҳиятини етказишга ҳаракат қилди. Мамлакат ташқи ишлар вазирининг биринчи ўринбосари Динара Кемелова Қозоғистон элчиси Айимдос Бозжигитовни қабул қилиб, Қозоғистон томонидан 2010 йилда чегараларнинг ёпилиши ва жорий этилган чекловлар мамлакат фуқаролари учун жиддий муаммолар туғдиргани, қурбонларга олиб келганини билдирди.
Изоҳ (0)