Футбол бўйича Жанубий Корея миллий терма жамоаси бош мураббийи Ули Штилике Сеулга қайтиб келди, деб ёзди «Uff.uz». У сўнгги икки ойини Европада — таътилда ўтказганди.
Мутахассисни аэропортнинг ўзидаёқ маҳаллий журналистлар қуршаб олгани айтилган. Натижада Штилике Инчхон аэропортининг ўзидаёқ интервью беришга мажбур бўлган.
Биз ҳамиша ғалаба учун майдонга тушамиз. Ўзбекистон билан бўладиган сўнгги ўйингача ЖЧ—2018 масаласини ҳал қиламиз. Умуман, биз олдимиздаги барча бешта ўйинда ғолиб чиқмоқчимиз, жумладан, сўнгисида ҳам. Олдимизда қатъий график бор, унга амал қилишимиз шарт.Кореяликлар 23 март куни Хитой терма жамоасига қарши майдонга тушади. Томонларнинг Жанубий Кореяда ўтган ўйинида мезбонлар 3:2 ҳисобида зафар қучганди.Мен қўл остимдаги футболчиларга ишонаман ва уларга умид кўзи билан қарайман.
Ули Штилике, Жанубий Корея бош мураббийи
Липпи келгач, Хитой яна ҳам тезкор ўйин намойиш этадиган бўлди. Улар бизга босим ўтказиши аниқ. Ўйин қийин бўлади.Мен муарббийлар штабида иш бошлаган Ча Ду Ри ва Сёл Ки Хёнгларга ишонаман. Жанубий Корея термаси керакли натижага эришади.
Ули Штилике, Жанубий Корея бош мураббийи
Изоҳ (0)